أنيس الجزيري : ‘عجبي من شعب مصدوم من مساعدات دولة شقيقة بش يأكل’

علق أنيس الجزيري رئيس مجلس الأعمال التونسي الإفريقي على الجدل الحاصل اثر المساعدات المقدمة من ليبيا و المتمثلة في كميات من السكر و الزيت و الأرز و غيرها من المواد الغذائية .

و في هذا السياق قال الجزيري في تدوينة على صفحته الرسمية الفايسبوك جاءت كالتالي :

‘عجبي من شعب مصدوم من مساعدات دولة شقيقة بش يأكل…

عجبي من شعب مهوش مصدوم من انه يأكل منذ سنوات من القروض الخارجية…

عجبي من شعب مهوش مصدوم من ميزانية خيالية متع 70 مليار دينار مصاريف و مداخيله 40 مليار دينار …

عجبي من شعب يقبل بمديونية متع هبال ب 25 مليار دينار لسنة 2023 بش يعيش و يربي الريش …

عجبي من شعب غير مصدوم و يتفرج في ثروة الفسفاط امامه و يقبل بأن تتعطل آلة الانتاج لاكثر من عشرة سنوات و خسائر بآلاف المليارات …

عجبي من إدارة غير مصدومة من حجم البيرقراطية و تعطيل الناس و قتل روح المبادرة …

عجبي من شعب غير مصدوم و هو يرى خيرة ابناءه و شبابه يغادرون البلاد و يطلقون مشاريعهم خارج الوطن، هروبا من إدارة متكلسة و قوانين بالية …

عجبي من شعب غير مصدوم من حجم الفساد في كل مكان و زمان …

عجبي من شعب في اغلبه لا يعمل و يساند الاضرابات و في نفس الوقت يطالب بالزيادات و زيد عقلية رزق البيليك و مسمار في حيط …

عجبي من نخبة تتفرج في وطن يتهاوى و كل واحد مازال شادد في الحانوة متاعوا و في نفس رموز الفشل و في زعامتية و أنانية مفرطتة و في المنقذ الواحد الأحد …

عجبي في شعب غير مصدوم من انا كادوريم و صافي سعيد و غيرهم من الشعبويين يتصدرون نتائج سبر الآراء و من لديهم الحلول لإنقاذ الوطن مهمشين …

عجبي من شعب يتصدر حثالة المجتمع المشهد الاعلامي و تقصى و تهمش نساء و رجال العلم و الثقافة …

و أخيرا عجبي في شعب مازال نائم و لم يفهم بعد ان سبيل الخلاص هو العمل ثم العمل ثم العمل و المثابرة و التضحية و أنا الخلاص لا يكون إلا جماعي … ‘

و يشار إلى أن الملحق الإعلامي بالسفارة الليبية أعلن أمس عن دخول حوالي 170 شاحنة محملة بالمواد الغذائية الى معبر راس جدير الحدودي مؤكدا أن هذه المساعدات مقدمة في شكل منحة لتونس .

 

 

You may also like...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: