روى مواطن تونسي يدعى “الأستاذ محمد بن زينة” على جداره في الفايسبوك الواقعة التالية :
“اليوم مشيت باش نخلص فاتورة الانترنات 🙃🙃
دخلت و كلي ثقة في النفس قلتلها قداش أختي قالتلي 37,470 مديتلها ساشي معبية 🤭🤭 كلها بياسات بو عشرين   بو عشرة وشويا دوارو🤣
خزرت قالتلي أكيد تفدلك ، قلتلها وراسك إنت نحكي بجدي 🤷🏼‍♀
قالتلي لا يعيشك ، ياخي معندكش كوارط قلتلها والله عندي أما على ما شيحتولنا ريقنا و ذليتونا على طرف كونكسيون هاني نرجع في الفازة هكة 😜🤓
قالتلي عيب راهو ما يجيش قلتلها علاش تنحات العشرين والعشرة والدورو حسب قانون المالية 🤔🤔
قالتلي لا اما انا توا باش نقعد نحسب فيهم هاذم 🥴
قلتلها علاش احنا كيف نضربوا ساعة نتشحتوا في التصويرة باش تتليشرجى ميسالش هذاكة و الا فيديو تتفرج عليه بالتقسيط تقول قرض سكن قال بيها ربي 🤕😏 اي أكهو كيما انتم كيما أحنا
أنا هكاكة و الناس الي واقفين ورايا الكل نشوف فيهم فرحانين و قالو مش باش يخلصوا توا كان كيف يدبروا الصرف و يرجعوا 🤣🤣🤣”..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *