على خلفية الضجة القائمة حول وصول كمية من التلاقيح سرا إلى تونس ، ثم بيان رئاسة الجمهورية الذي أكد أنه تم تسليمها إلى إدارة الصحة العسكرية ، نشر النائب ياسين العياري التحديثةالتالية على جداره في الفايسبوك:

“يعني.. هم كانوا وقحين لدرجة تبرير الظرف المسموم الذي أصاب نادية بالعماء المؤقت و حطوه في الديشكتوز و طلع ما فيه حتى شي، خلي بش يصعب عليهم تبرير فضيحة إخفاء التلاقيح و التكتم عليها إلى أن ينفذ صبر نائب بعد ما خلالهم متسع طويل من الوقت و يعلم التوانسة!

يا الله، كان الله في عون الجميع!

في الإخر، إلا من رحم ربي، كلكم مبرر لحاس لشخص و يكره و يفد من تلحيس و تبرير أشخاص أخرى لناس أخرى.. الكلكم تبوسو في اليدين، الكلكم ينعمبو زينك يا عبير، الكلكم بالشفاء سيدي الرئيس، الكلكم ما أحلى ضحتك سيدي الرئيس!

لا تختلفون لا في الفعل و لا في الجوهر و لا في النفاق و لا في التقديس و لا في التقلب و لا في المكابرة، فقط تختلف أصنامكم.. إلا من رحم ربي!

ناس البارح تسخايبهم الغنوشي و قطر، تبرر و إتفه و أخرى تهاجم و تزايد و قالبة الدنيا!

كي طلع سعيد و الإمارات، الي كان يهاجم و يزايد البارح صبح يبرر و حكاية فارغة، و الي البارح يبرر اليوم يندد و بش ينصب المشانق.

لا مبدئية افري وار! الي هذا يشوف الوجوه و يقسم اللحم، و الي تحبوا سقطله و الي تكرهو لقطله.. المهم ربح جماعتي و خسارة الأخرين، لا القضية في حد ذاتها..

لو كان الأمر من الغنوشي، المشيشي، سعيد، مطيع خويا، باطمان حتى : سيكون لي نفس الموقف، تقدير المواقف بموضوعية، لا حسب صاحبها!

هانوا طلبنا رسميا كتابيا من الصحة العسكرية ما يفيد التسلم و التسليم، إن شاء الله ما يطلعوش غلطوا كي العادة و حطوه في الديشكتوز.

الحمد لله على نعمة الإستقلالية!

يا الله، كوراج..أنا أنزهك سيدي الرئيس.. الموسم الثاني!

تبريرا شهيا..

#الغرف_المظلمة
#إديني_الحقنة_بسرعة
#أعلوا_هبل”..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *